【直擊IMxpo汽車博覽】日本改裝大神殺到＋親子玩樂新體驗！東京改裝展預演場超熱鬧🚗✨
- 譜詠編輯
- 12月15日
- 讀畢需時 2 分鐘
12月 11-14 號啱啱完結嘅香港國際汽車博覽（IMxpo），今年真係搞得好有驚喜！唔單止繼續有靚車睇，仲同東京改裝車展合作，連日本改裝界大神都親身過嚟，仲帶埋明年東京展嘅重點改裝車型，等香港車迷可以搶先睇！
🇯🇵 東京改裝展預演場
今次最大賣點一定係同東京改裝車展（Tokyo Auto Salon）合作！現場有幾架明年東京展先會正式亮相嘅改裝車型，香港車迷可以「飲頭啖湯」先睹為快。仲有日本改裝大師現場分享心得，鍾意JDM風格嘅朋友真係聽到唔捨得走！
小編目擊：有架暴改KTM X-Bow真係型到爆炸
⚡ 電車輪胎專區｜汽車輪胎業商會
行過必睇！今次汽車輪胎業商會專登設咗個電車專用輪胎展區，齊集市面上多個品牌嘅EV專用呔。現場有專人講解，原來電車呔同普通呔真係有好大分別，主要4大優勢：
👑 耐磨配方
針對電車扭力大、加速猛嘅特性，特別研發高耐磨膠料，抵禦電車𣊬間扭矩衝擊！
🏋️♂️ 更強負重
電車普遍比燃油車重，所以EV呔嘅結構同簾紗層都強化咗，載重能力高出一截，行車更穩陣。
🔇 更低呔噪
用咗靜音花紋同專利吸震膠料，車廂寧靜度即刻升級～ 試想像揸住部電車靜到連胎噪都幾乎聽唔到！
🎯 特別標記
多數EV專用呔都有「EV」或閃電標誌，一眼就認到，買呔唔會揀錯！
現場仲有唔同品牌並排對比，即刻睇到花紋同結構嘅分別，學到好多嘢！
👨👩👧👦 親子活動大升級
往年主要係車迷天下，今年真係一家大細都啱玩：
模擬賽車區：小朋友大朋友排長龍，個個爭住做車神
模型車軌道：超大規模軌道，成班小朋友玩到唔願走
Tomica車仔市集：限量版、絕版車仔大晒冷，家長仲緊張過細路
有家長同小編講：「終於有個車展係可以帶埋仔女嚟，唔使驚佢哋悶親！」
📸 車模繼續有 氣氛一樣熱
放心～靚女車模依然係會場焦點，好多攝影發燒友長短火齊出動。
🎁 會場限定優惠
Tomica會場特別版車仔
汽車用品特價區
改裝零件預訂服務
👍 小編總評：
今年真係進步咗好多！
✅ 國際化：日本大師親臨加分
✅ 多元化：照顧埋家庭客群
✅ 互動性：玩樂元素大增
✅ 購物樂：限定精品吸引
希望下年可以繼續保持呢個方向，甚至加入更多互動工作坊，等車迷可以親手體驗改裝樂趣！
留言