英國擬增AI攝影機打擊超速．超速隨時罰5000？🚗📸
英國交通安全慈善機構 PACTS 執行總監 Jamie Hassall 接受訪問時話，應該提高駕駛違規罰款，用嚟資助全英增設 AI 交通攝影機。佢話而家越嚟越多司機抱住僥倖心態，覺得自己超速或者危險駕駛都唔會咁易俾人捉到。
最新一代 AI 攝影機配備高解析度成像同超高速處理器，唔單止偵測超速，仲可以睇到你係咪用手機、有冇戴安全帶，甚至自動核對警方同 DVLA 資料庫，確認架車有冇交路稅同買保險。
每年約有20萬名司機因為違反限速被定罪，去年因駕駛違規共扣咗近500萬分，超過四分之三都係超速造成。Hassall 建議將行車違規罰款由£100加到£500，用嚟增設攝影機同 AI 技術，同時支持警方巡邏同情報監控。佢話：「亂拋垃圾罰£150，但呢啲通常唔會搞出人命。超速意識培訓課程有用，但對於二次違規者，應該罰得更重。」
最新調查顯示，唔夠一半駕駛者認為扣分制度有效遏止危險駕駛，但喺曾經被扣分嘅人入面，五分之四都話會改變駕駛習慣，避免再累積更多分。道路安全慈善機構 Road Safety GB 執行總監 James Gibson 就話：「扣分制度有用，但唔夠。證據顯示，提高執法可見度先係關鍵——司機對被捉嘅恐懼，比罰則有幾重更加有效。」
雖然英國政府未宣布加罰款，但正計劃增加記分值同增設新違規類別，包括：
未戴安全帶：由£100定額罰款改為記3分
車輛註冊問題：無註冊、無MOT或車牌不正確會被記分
受損狀態駕駛：合併酒駕毒駕處理，設定更嚴格限值
無保險駕駛：記分值高於目前6分
同時睇埋香港罰則（以下資料僅供參考，一切以實際《道路交通條例》及執法部門最新公布為準）：
超速罰款同記分
🔹 超速15km/h或以下：罰$480，唔記分
🔹 超速15至30km/h：罰$675，記3分
🔹 超速30至45km/h：罰$900，記5分
🔹 超速45km/h以上：記10分，停牌至少6個月，仲要強制上駕駛改進課程
至於其他嚴重駕駛罪行：
⚠️ 不小心駕駛：最高罰$5,000同坐6個月監，通常記5分
⚠️ 危險駕駛：最高罰$25,000，同坐3年監，記10分、停牌至少半年，兼上改進課程。如果搞到人死或者重傷，最高判監7至10年，罰款可達$50,000
⚠️ 酒後/毒後/藥後駕駛：最高罰$25,000同坐3年監，記10分、停牌至少半年兼強制上改進課程
作為香港司機，你覺得香港應唔應該跟？AI攝影機喺香港行得通嗎？留言分享你嘅睇法！👇
參考資料
留言