【香港車迷必睇】史上最複雜嘅經典車款大揭秘🚗💨
- 譜詠編輯
- 7月24日
- 讀畢需時 2 分鐘
講到複雜嘅汽車設計，真係不得不佩服嗰啲工程師嘅創意同執著！由90年代到而家，有啲車款複雜到連車房師傅都頭痛，等我哋一齊回顧吓呢啲經典之作～
三菱3000GT（1990）
記得三菱3000GT嗎？1990年推出時已經玩齊全時四驅、電子避震、主動空氣動力學同四輪轉向，仲要係雙Turbo V6引擎，當年真係超前到爆！不過咁多高科技堆砌出嚟，最後都係敵唔過馬力不足嘅現實，但而家反而成為收藏家至愛～
Subaru SVX（1991）
仲有掃把佬 SVX呢款91年嘅跑車，為咗同豐田Supra鬥，居然整咗個「窗中窗」設計，仲要配3.3升水平對臥六缸引擎。可惜價錢太貴，令佢成為了稀有車型，最後俾自家嘅Impreza搶晒風頭～
捷豹XJ220（1992）
講到複雜點少得Jaguar XJ220？原本諗住用V12引擎加四驅，但事實證明，它對於公路車來說體積過大。為了解決這個問題，最終在XJ220的量產版中使用了一款經過大幅改進的MG Metro V6引擎。即係做車都唔好「眼寬肚窄」！
波子 911 Targa（1996 年）
保時捷911 Targa嘅開頂設計都幾盞鬼，早期的 Targa 採用的是簡單的可升降式車頂面板，96年款改用滑動玻璃頂，搞到後視野受阻；之後又轉返布頂，但許多車主抱怨 Targa 的車頂佈置不如硬頂跑車堅固，導致車頂吱吱作響。真係改嚟改去都搞唔掂個頂～
標緻 206 CC（2000 年）
標緻206 CC嘅威水史真係唔講得笑，全球賣咗36萬部，證明幾受歡迎。一按掣就由硬頂變開篷，型到爆錶。不過呢，凡事都有但係...
呢部車嘅電動頂成日「耍脾氣」，有時鎖扣故障開到一半就卡住唔郁。最慘係落雨時會變「水舞間」，車入面滴滴仔，搞到車主頭都大。維修費仲貴到喊，香港師傅見到都頭痛。
大眾輝騰（2002）
至於大眾輝騰，就更加係「隱形富豪」嘅代表作！輝騰嘅威水史真係威，W12引擎勁到可以同Bentley稱兄道弟，2002年已經有中控大屏幕同換擋撥片，冷氣勁到50度高溫都頂得順。
但係...又係但係...成百萬買部「大眾」，D富豪覺得冇face。維修保養貴過Audi，零件要德國訂，香港路面咁差，空氣懸掛易壞。買家因此而動搖，反而避開了帶有「大眾」標誌的豪華轎車，轉而選擇那些常見的高端品牌。
雪鐵龍 C3 Pluriel
最搞笑係雪鐵龍C3 Pluriel，諗住一部車當幾部用，可以變開篷又變Pickup。點知Pluriel 的問題也由此產生。首先，拆卸行李架需要很大的力氣才能將其抬起或重新安裝。其次，個頂拆完冇位放，落雨就變落湯雞，仲要成日漏水，真係複雜得嚟又有啲無謂～
布加迪威龍 (2005)
布加迪威龍就更加誇張，為咗破速度紀錄，整咗個W16引擎仲要四個Turbo，散熱器多到數唔晒，光是引擎就需要三個散熱器，此外還有變速箱和差速器油冷卻器，以及一個用於冷卻機油的散熱器。小編就好respect 工程師的努力，但係換次機油都要成20萬港紙，真係FF 下好啦～
凌治 LFA（2010）
凌治LFA就型好多，碳纖維車身配Yamaha調校嘅V10引擎，轉數錶仲要特登用數碼顯示，因為指針根本跟唔切個轉數！雖然只係生產咗500部，但真係靚到震～
參考資料
留言